குஜராத் முதல்வர் நரேந்திர மோடிக்கு விசா கிடையாது: அமெரிக்கா உறுதி

குஜராத் முதல்வர் நரேந்திர மோடி தொடர்பான விசா கொள்கையில் மாற்றமில்லை என அமெரிக்கா உறுதிபடத் தெரிவித்துள்ளது.
எனினும் அமெரிக்க வர்த்தகத்துக்கு குஜராத் மாநிலம் சிறந்த வரவேற்புக்குரிய சூழலைப் பெற்றுள்ளது என அந்த நாடு தெரிவித்துள்ளது.
தெற்கு மற்றும் மத்திய ஆசியாவுக்கான உதவிச் செயலர் ராபர்ட் பிளேக் இதைத் தெரிவித்தார்.
குஜராத் மதக் கலவரங்களுக்கு சம்பவங்களுக்கு மோடிதான் பொறுப்பு என்பதால் அவருக்கு விசா வழங்க முடியாது என அமெரிக்க முன்பு மறுத்திருந்தது. அந்த கொள்கையில் மாற்றமில்லை என பிளேக் கூறினார்.