May 5, 2013

ப்ளஸ் 2 தேர்வு முடிவுகளை எந்தெந்த வலைத்தளங்களில் பார்க்கலாம் அரசு அறிவிப்பு


சென்னை, மே 3: ப்ளஸ் 2 தேர்வு முடிவுகள் வெளியாகும் அரசு வலைத்தளங்களின் முகவரிகளை அரசுத் தேர்வுகள் இயக்ககம் அறிவித்து உள்ளது.

இந்த ஆண்டு ப்ளஸ் 2 தேர்வு முடிவுகள், இணையத்தில் தனியார் வலைத்தளங்களில் வெளியிடப்படாது என்று அரசு அறிவித்துள்ளது.எனவே, அரசு வலைதளங்களின் வேகம் குறையாமல் இருக்க 16 சர்வர்கள் அமைக்கப்பட்டு உள்ளன.

தேர்வு முடிவுகள் வெளியாகும் அரசு வலைத்தளங்களின் இணைப்புகள்:

http://tnresults.nic.in
http://dge1.tn.nic.in
http://dge2.tn.nic.in
http://dge3. tn.nic.in

இந்த நான்கு வலைத்தளங்களிலும் மே 9-ஆம் தேதி (வியாழக்கிழமை) காலை 10 மணிக்கு ப்ளஸ் 2 தேர்வு முடிவுகள் வெளியிடப்படும் என்று அறிவிக்கப்பட்டுள்ளது.

இதில் http://dge3.tn.nic.in என்ற இணையதள முகவரியில் ஜி.பி.ஆர்.எஸ். வசதியுடன் செல்போனிலும் தேர்வு முடிவுகளைப் பெறும் வகையில் வடிவமைக்கப்பட்டு உள்ளது.

தேர்வு முடிவுகளை மாணவர்கள் உடனடியாக அறிந்துகொள்ளும் வகையில் தேசிய தகவல் மையத்தில் 16 சர்வர்கள் அமைக்கப்பட்டுள்ளன.

மாவட்ட ஆட்சியர் அலுவலகங்களில் இயங்கும் தேசிய தகவல் மையங்களிலும், மாநிலத்தில் உள்ள அனைத்து மைய மற்றும் கிளை நூலகங்களிலும் மாணவ, மாணவியர் கட்டணமின்றி தேர்வு முடிவுகளை அறிந்துகொள்ள ஏற்பாடுகள் செய்யப்பட்டுள்ளன.

செல்போன், எஸ்.எம்.எஸ். மூலமும் கட்டணமின்றி தேர்வு முடிவுகளைத் தெரிந்துகொள்ள ஏற்பாடுகள் செய்யப்பட்டுள்ளன. எஸ்.எம்.எஸ். மூலம் தேர்வு முடிவுகளைப் பெறுவதற்கான நடைமுறைகள் மே 8-ஆம் தேதி அறிவிக்கப்படும்.

மாணவர்கள் தங்களது பள்ளிகளில் மதிப்பெண்களைத் தெரிந்துகொள்ளவும் ஏற்பாடுகள் செய்யப்பட்டுள்ளன என்று தெரிவிக்கப்பட்டுள்ளது.

No comments: